Орон шоронд
орсноос хойш
Олон шөнө хульжсан
нойр
Ороо бусгаа
цагийн зовлонгоос
Огтхон ч нимгэлж
чадаагүй
Харанхуй
шөнөөр цочин байж
Хар
дарсан зүүднээс салах цагт
Хүйтэн
камерын төмөр орон дээр сэрэх нь
Хүлээстэй
хувь заяаны гэсгээл ажээ.
Сар шинийг
сараалжин торны цаана өнгөрөөж
Саарал хорвоогийн
өдөр хоногийг тоолон суухад
Монгол түмэнд
хишиг буянаа хайрласан
Могой жил буянт
мал сүрэг 45 сая давсан гэнэ
Оюу
Толгой бүтээгдэхүүнээ гаргаж
Орон
улсын маань санд нэмэр болно гэтэл
Далд
уурхайн хөрөнгө оруулалт гэх
Даахын
аргагүй хүнд ачаатай засаг тулав
Таван Толгойн хар
алт
Талын Монголын
хөгжилд хурд нэмэх учиртай ч
Урд хөршийн авир
хувирахдаа
Урагшлах цувааг
удаашруулан тэвдүүлэв
Улсын
төсөв алдагдал зааж сандаргах тул
Урдаас
хойноос бадар барьж бажигдахдаа
Эзэн Богдын
нэрээр бонд гарган зарж
Их өрөө
багагүй зузаатгасан ч
Авилгажсан төр нь
цадахгүй сорох тул
Арлын орноос
самурай залж
Аргаа барж буйгаа
шинэчлэлийн засаг
Ард олондоо ахин
харуулав
Авсан
зээлийнхээ арван таван хувийг
Анхны
өдрөө /Самурайн сэлмэнд цавчуулснаа/ шимтгэл хэмээн өгснөө
Ахин
хааанаас ч олдохгүй мундаг нөхцөл гэж
Ард
түмнээ хуурах нь дэндүү харамсам
Цалин тэтгэвэр
нэмэх нь, нэмэх л сурагтай
Цагийг нь харин
хэзээ ч хэлэхгүй
Цаасан дээрх олон
төсөл цаана чинь
Цангасан эдийн
засгийг аварна гэвэл төөрөгдөл
Цаг төр үймэх
цөвүүн цагаар, та минь
Цагаан идээ
тансаг хэрэглээ болох вий, бусад нь яахав
Төрж
өссөн нутгийнхаа
Түүх
соёлоор омогшин
Аянчин
гийчинд хөтөч хийхдээ
Алаг хорвоод
хосгүй орон
Энэ
сайхан Монгол нутаг
Иргэн
миний бахархал болсон юм
Ардчилсан
хувьсгалаас хойш 24 жилийн турш
Ард Монгол улс
маань ихээр өөрчлөгдсөн
Амны хишигтэй
төрсөн Монголчууд
Аз жаргал, сайхан
амьдрал өөд тэмүүлсэн
Алтан дээр
сандайлсан гуйлгачин төрхөө
Аль болох хурдан
гээхээр чармайсан олны дунд
Хорин
таван жил хөдөлмөрлөхдөө би
Хол ойрын
санаа зөв, зорилго нэгтэнтэй
Хоршин,
их үйлсийг зорин явахдаа
Ховорхон
олдох боломжуудыг багцлан
Хотол
олныхоо цуваанд нэгдэх хүсэлтэй
Холын
газраас даллах нутагтаа ирсэн
Суурин соёлт
харийн газар
Нүүдэлчин ардын
удам
Сурсан эрдмийн
шидийг үзэхээр
Нутгаа эргэн
зорихдоо
Суут өвгөдийн
минь бидэнд үлдээсэн нутаг
Нүүрээ буруулсан
луйварчдын эрхэнд орсонд итгээгүй
Эцэг
Тэнгэрээр, Эх Дэлхийгээрээ овоглосон ажил үйлс
Эрхтэн
дархтанд нухлагдах цагаар
Эрээнтэй
бараантай хорвоогийн тоосонд дарагдан
Эзэнгүй
айл шиг өнгө алдан суллагдахыг минь хүлээнэ
Заяаны чинийхээ
алаг нүднээ, уулзах болгондоо
Зангиран
хуримтлагдах нулимсыг харах тоолондоо
Засгийн нэр барин
цамнах түрэмгийлэгчдийн
Зальхай мэхэнд
урхидуулсандаа багтран сууна
Унаган багын
чинийхээ
Ухаалаг харцанд
гуниг шингээж
Олон сараар хорон
санаатанд
Олзлогдон яахаа
мэдэхгүй хоригдож буйдаа
Бухимдан
бачууравч хууль цааз хатуу!
Бусгаатай цагийн
царай хахир!
Эрүү
шүүлт тулгуулаагүй ч
Эрх
чөлөөгөө хилсээр хасуулах цагт
Энхрий
ханьтай минь уулзсан
Эрхэм
гишүүн харамсалтай нь
Иргэншлээ
боломжтой байж сольчихгүй яав гэх нь
Иргэн
миний эмгэнэл, энэ цагийн гашуудал!
Иргэнээ дарамталж
дарладаггүй
Иргэнээ хамгаалж
хаацайлдаг
Эрх чөлөө, хүний
эрхийг яриад зогсохгүй
Эрх чөлөө, хүний
эрхийг дээдэлж ирсэн
Хөгжилт орны
иргэний паспортоор сольсон бол
Хөл алдаж айн
шоронд хоригдохгүй байсан гэх нь
Өр зүсмээр гашуун
үнэн!
Өрөвдөлтэй,
эмгэнэлтэй ч бодит үнэн!
Өмхий
шоронд үс минь цайж, үрчлээ нэмсэн ч
Өр зүрх
минь Монголоо гэж цохилно!
Өөрийн
зүс минь Монголоороо үлдэнэ!
Өлөн
хомхой санаатан сэтгэлийг минь мохоохыг санаархавч
Өрлөг
дээдсээс заяасан халуун цөс Монголоороо хөөрнө!
Өршөөлт
ээжээс минь заяасан бүлээн цус Монголоо гэж булгилна!
Арван долоодугаар
жарны луу жил, хайрт минь!
Аав нарыг минь
аван сүүлээрээ ороолгон одсон
Амьдралын хатуу
сорилтыг, хань минь!
Алаг зүхнүүдээ
шимшрүүлэн байж хоёулаа давсан
Арван
долоодугаар жарны могой жилийн дийлэнхийг
Амраг
чамайгаа тарчлаан шоронд
Аймшигт хэлмэгдэл
гээчийн амтыг
Алдхан
биеэрээ, амьдрал ахуйгаа
Алдан
байж мэдэрч
Аргагүй
урт хоёр зуун найман хоног өнгөрөөлөө
Улиран одох хагацал
харуусал, хараал зүхэл дагуулсан
Усан могой жил
хамаг муу муухайг аваад арилаг!
Угтаж буй
Ялгуусан хэмээх Морин жил
Урам зориг,
итгэлийн гэрэл цацруулан ирэг!
