Бүүдгэр энэ цагт
итгэлийн суурь сулын балгаар
Бөөгийн дуудлага
сонсон, онгодод сүслэн мөргөж дуусаад
Бүрэнхий болохоос
өмнө Ганданд ном хуруулах минь гэх
Бүдэрсэн,
тэмтэчсэн олон сандрах нь өрөвдмөөр,
Буян амалдаг юм,
нэг нь тус болох л байлгүй гээд
Буцахдаа
Ертөнцийн эзний өргөөгөөр шагайх будилах хөөрхийс
Буруу зөвийг
ялгая гэж хичээхийн оронд мухар сүсэгт автан
“Бузрын” савраас
мултарч, гэгээрсэн замд орох гэж яарна
Маш их гай барцад
шүгэлсэн гээд өглөгийн үүдийг “нээх” гэхдээ
Машиныг нь галдах
бөө онгодтой харицдаг нь юу л бол
Маани мэгзэм унш
гэж заалдагч хуврага сахилаа умартан
Маргаашийн хурлаа
огоорон жинс жийж, пааб эргүүлдэг нь юу л бол.
Мэргэн түргэн,
мэддэг үздэг нь олширсон энэ цагт
Миний юм минийх,
чиний юм бас минийх гэгсэд бүүр олширох нь
Олны дундаас нэг
нь тус болох л байлгүй гэж
Олдсонд нь
мөргөж, сургаар бишрэн, олонхи нь төөрөлдөнө.
No comments:
Post a Comment